點解鍾意聽Podcast?

自從部iBook壽終正寢之後，我就好耐都無一如旣往咁每日download podcast 黎聽。好在係當我人生第一部Apple（亦可能係可預見gea未來入面gea最後一部）臨去之前，arm arm 聽緊Khalil Fong 果兩隻超襟聽 gea album，咁就唔經唔覺過左差唔多個幾月，終於可以有人長期借用部PC 俾我重投 podcast gea懷抱。(邊個咁好人？咁佢梗係同我有超友誼關係架啦… 嘻嘻)。

其實我個人好奇怪，超難買碟。好多時候我可以係間CD 舖度磨足成粒鐘都買唔到一隻CD，而最可憐gea地方都不外乎辛辛苦苦買左隻碟返黎，聽左唔夠兩三個禮拜就會自動覺得悶，之後就會要聽返d舊碟，仲一定要set shuffle，但求搵d新意。所以自從podcast呢樣可能係本世紀最偉大發明出現左之後，我簡直愛到佢發晒狂。唔單止through iTune呢個媒人去搵podcast，我自己仲走去google吓一d唔係iTune上面gea podcast。老實果句，當互聯網令世界越黎越細，本來已經好細gea香港就更加細到不可理喻。點解不可理喻呢？因為作為一個香港人，好自然會想知道香港有咩好聽。好可惜，香港好多podcast唔止過於業餘，仲要不定期更新。其實自己都試過一排做web J，所以都應該好明白要做一個好嘅聲音節目係唔容易。Anyways，就正正係因為香港太細gea緣故，終於觸發左我gea島民基因：走出去！

當一個人嘗試走出自己出世時無得揀gea預設環境之後，第一件事你一定會覺得自己gea世界即刻大左。雖然仍然係來來去去唔係中就英，之但係我仍然有非常多gea 野可以聽、可以睇。世界大左，眼界闊左，但係好奇怪，香港就係無細到。突然你會發現，原來細gea唔係香港，係自己果對眼。